کراچی میں مزید ہلکی بارش اور بوندا باندی کا امکان

فوٹو: فائل

کراچی میں آئندہ 24 گھنٹوں کے دروان ہلکی بارش کا امکان ہے۔

کراچی کے مختلف علاقوں گلستان جوہر، یونیورسٹی روڈ، ائیرپورٹ اور اطراف میں آج صبح ہلکی بارش ہوئی جس سے موسم خوشگوار ہوگیا۔

محکمہ موسمیات کے مطابق شہر میں مزید ہلکی بارش اور بوندا باندی کا امکان ہے۔

محکمہ موسمیات کا کہنا ہے کہ کراچی میں آئندہ 24 گھنٹوں کے دوران موسم ابر آلود رہے گا اور آج کم سے کم درجہ حرارت 29.5 سینٹی گریڈ ریکارڈ کیا گیا جب کہ شہر کا زیادہ سے زیادہ درجہ حرارت 33 سے 35 ڈگری کے درمیان رہنے کا امکان ہے۔ 

محکمہ موسمیات کے مطابق جنوب مغربی علاقوں سے  14 کلومیٹر فی گھنٹہ کی رفتار سے ہوائیں چل رہی ہیں جب کہ  ہوا میں نمی کا تناسب 75 فیصد ہے۔